Өскеменде ер адамды көлік қағып, мерт қылды
ӨСКЕМЕН. ҚазАқпарат - Өскемен қаласында Сәтбаев даңғылымен келе жатқан жүргізуші көлікке жанармай құю стансасының жанында 61 жастағы жаяу жүргіншіні қағып кетті. Ер адам оқиға орнында көз жұмды, деп хабарлайды «ҚазАқпарат» ХАА тілшісі.
«Жедел-іздеу шараларын өткізу кезінде полицейлер жол апаты орнынан қашып кеткен жүргізушіні анықтап, ұстады. Ол 57 жастағы жергілікті тұрғын болып шықты. «Volkswagen» маркалы көліктің жүргізушісіне қатысты жол-көлік оқиғасы және оқиға орнынан қашып кету фактісі бойынша сот алдындағы тергеу амалдары басталды», - деп хабарлады ШҚО полициясы департаментінің баспасөз қызметінен.
