Өскеменде «Мерседес» автобусқа соғылды
ӨСКЕМЕН. ҚазАқпарат - Бүгін таңертең №60 жолаушылар автобусы автотұрақтан шыға берісте апатқа ұшырады, қарсы жолаққа шығып кеткен «Мерседес» көлігі қатты жылдамдықпен келіп автобусқа соғылды.
Автомобиль жүргізушісі түрлі жарақаттармен ауруханаға жатқызылды, деп хабарлады «ҚазАқпарат» ХАА тілшісі.
Полициядан хабарлағандай, жол апатынан ешкім зардап шеккен жоқ, бірақ оқыс оқиға «тығыз» өнеркәсіптік аймақта жұмыс күнінің басында ұзақ уақыттық кептеліске алып келді.
«Жүргізуші рульге ие бола алмай қалған, оған көктайғақ себеп болуы мүмкін. 610-бап бойынша әкімшілік іс қозғалды», - деп хабарлады ІІД баспасөз қызметінің бастығы Бақытжан Торғаев.
