Өскеменде пневмония күдігімен күн сайын ауруханаға 20-ға жуық адам жүгінеді

ӨСКЕМЕН. KAZINFORM –  Өскемен қаласында ауруханаларға пневмония күдігімен күн сайын 15-20 адам жүгінеді.

Өңір бойынша осы жылдың тоғыз айында ЖРВИ жұқтырғандар саны 200 863 адам болған. Бұл көрсеткіш өткен жылдың сәйкес кезеңімен салыстырғанда 1,74 есе артып отыр. Сондай-ақ Өскеменде пневмонияға шалдыққандар саны да артып келеді.

Ауруханаға күн сайын 15-20 адам пневмонияға күдікпен жүгінеді. Эпидемиялық маусымда өлім-жітім тіркелген жоқ.

«Вирустық және ковидтік пневмония тіркеліп жатыр. Пульмонология бөлімінде 50 төсек-орын бар. Науқастарға орын мен қажетті дәрі-дәрмек қоры жеткілікті. Қазір жансақтау бөлімінде екі науқас жатыр, біреуі жасанды тыныс алу аппаратына қосылған», - деді Өскемендегі №4 қалалық аурухананың бас дәрігері Сергей Попов.

Еске салсақ, осыған дейін өскемендіктердің №1 емхананың жағдайына шағымданғанын хабарлаған едік.