Өскеменде жоғалып кеткен 32 жастағы ер адам іздестірілуде
ӨСКЕМЕН. ҚазАқпарат – Өскемен қаласында үйден шығып кетіп, сол күйі қайтып оралмаған ер адам іздестірілуде, деп хабарлайды ҚазАқпарат тілшісі.
ШҚО Полиция департаменті баспасөз қызметінің мәліметіне сүйенсек, 1989 жылғы Диас Қапезов 9 наурызда із-түссіз жоғалып кеткен.
«Ер адам 23-ші шағын аудандағы үйінен белгісіз бағытта шығып кетіп, сол күйі хабар-ошарсыз. Диастың шашы қысқа, ақ түсті. Сол қолының білезігінде «Д» әрпі түріндегі татуировка бар. Жоғалған күні үстіне капюшоны бар қара күртеше және қыстық кепке киген», - деп хабарлады ведомство өкілдері.
Іздестіру шараларына еріктілер де жұмылдырылған. Осы ретте, полицейлер ер адамның қайда екендігі туралы қандай да бір мәліметі барларға 8(771)-466-54-38 нөміріне немесе «102» арнасына хабарласуға шақырды.
