Өскемендегі кәріздік коллекторда болған апаттан қаланың екі ауданында су беру шектелді

АСТАНА. Қыркүйектің 10-ы. ҚазАқпарат - Сейсенбі күні күндізгі сағат екіде Өскемендегі кәріздік коллектордың жоғары жиынтық құбырында апат болды,

 деп хабарлайды ҚР ТЖМ баспасөз қызметі.

Төтенше жағдайлар жөніндегі комиссия сәрсенбі күні ағынды судың  үздіксіз тасқынының жөндеу жұмыстарына кедергі келтіруіне байланысты қаладағы Октябрь және Үлбі аудандарына су беруді тоқтату жөнінде шешім қабылдады.

ҚР ТЖМ ақпараты бойынша су жеткізіп беру «Су арнасы» ЖШС күшімен ұйымдастырылды. Төтенше жағдай бүгін жойылады деп күтілуде. Оған 33 адам және 18 бірлік техникалары жұмылдырылған.