Өскемендегі саябақтардың бірінде тегін Wi-Fi қосылды
АСТАНА. ҚазАқпарат - Өскемен қаласында жуықта ғана ашылған «Нұрлы жол» саябағында тегін Wi-Fi қосылды, деп хабарлайды «ҚазАқпарат» ХАА тілшісі.
Бұл туралы Өскемен қаласы әкімінің баспасөз хатшысы Әсем Сексенова хабарлайды.
««Нұрлы жол» саябағы жуықта ғана ашылған болатын. Жаңа демалу орнына шаһар тұрғындарын көптеп тарту үшін тегін Wi-Fi қызметі іске қосылды. Бұдан былай саябақтың кез келген нүктесінен тегін интернет қызметін алуға болады», - дейді Әсем Сексенова.
«Нұрлы Жол» саябағындағы тегін интернетке қосылу үшін ұялы телефонның кез келген нөмірімен 2160 нөміріне «Wifi» деп жазып, хабарлама жолдау керек. Хабарлама құны 7 теңге тұрады.
