Осы аптада елордадағы күзгі жәрмеңкелер маусымы аяқталады
НҰР-СҰЛТАН. ҚазАқпарат - 19-20 қазан күндері Нұр-сұлтан қаласындағы күзгі ауыл шаруашылығы жәрмеңкелерінің маусымы аяқталады, деп хабарлайды ҚазАқпарат қала әкімдігінің сайтына сілтеме жасап.
Елордадағы өңірлік ауылшаруашылық жәрмеңкелерін Ақмола мен Солтүстік Қазақстан облысы аяқтайды.
Ауа-райының қолайсыздығына, сонымен қатар астық жинаудың жалғасуына байланысты Ақмола облысының ауыл шаруашылығы өнімдерінің жәрмеңкесі 26-27 қазанынан 19-20 қазанына ауыстырылады. Бұл күні екі өңір - Солтүстік Қазақстан облысы мен Ақмола облысының ауылшаруашылық жәрмеңкесі бірге өтеді.
Ұйымдастырушылардың айтуынша, бұл осы жылдың соңғы өңірлік жәрмеңкесі болмақ.
Айта кетерлігі, күзгі ауыл шаруашылығы жәрмеңкелерінің маусым- тамыз айының соңында басталды. Жәрмеңкеге барлығы 12 облыс қатысты. аталған жәрмеңкеге өңірлер 3,5 мың тоннадан астам түрлі өнімдер әкелініп, елорда базарларындағы бағадан 10-15 пайыз төмен бағамен сатылды.Еске сала кетсек, алдағы демалыс күндері ақмолалықтар елордаға 520 тоннадан астам азық-түлік жеткізеді.
