Отандық пенитенциарлық жүйенің тарихында алғаш рет сотталғандар мен олардың туыстарының оnlinе режимдегі бейнебайланысы өткізілді

деп хабарлады Әділет министрлігі Қылмыстық-атқару жүйесі комитетінің баспасөз қызметінен.

Бұл жаңалықтың негізгі мақсаты - сотталушыларға моральдық және психологиялық қолдау көрсету, деп атап көрсетті масс-медиа өкілдерінің қатысуымен өткен ілкі жобаның таныстырылымында Комитет төрағасы Сұлтан Құсетов.

Жоба қылмыстық-атқару заңнамасын жүзеге асыру аясында қолға алынып отыр. Бейнебайланыс мүмкіндігі түзету мекемесінің ішкі тәртібін мүлтіксіз сақтағандарға, сондай-ақ жақсы жұмыс істегендерге және мәдени-бұқаралық шараларға белсенді атсалысқандарға берілетін болады.

Қазіргі таңда сотталушыларға еліміздің түкпір-түкпіріндегі туыстарымен Интернеттің көмегімен кездесулер ұйымдастыру мәселесі де қаралуда.