Отқа жанбаған Құран

АСТАНА. 22 қазан. ҚазАқпарат - Әзірбайжан елінің Сұмғайыт қаласындағы «Кярван» деп аталатын сауда орталығында адам нанғысыз таңғажайып оқиға болды.

Қазан айының 19-ы күні жергілікті уақыт бойынша 19:00-дер шамасында отқа оранған сауда орталығындағы тауарлардан түк қалмай жанып кеткен. Бір қызығы, қасиетті Құранға зәредей зиян келмеген.

Жалыны бет қаратпаған лаулаған өрттің күштілігі сондай, оны сөндіру үшін бірнеше өрт сөндіру техникасы жұмылдырылған екен. Бұл туралы muslim.kz хабарлады.