Өткен аптада елордада 150 мың текше метрден астам қар шығарылды

АСТАНА. ҚазАқпарат - Астанада 5-11 қаңтарда 150 мың текше метрден астам қар шығарылды, деп хабарлады astana.kz

«Астана Тазалық» ЖШС хабарлауынша, 11 қаңтардағы жағдай бойынша 16 мың текше метрден астам қар жиналды. Қыста күн сайын 1500 жуық техника қала көшелерін тазалауға шығады. Сыпыру-жинау және тротуар жинайтын машиналар, фронталдық жүк тиегіштер мен самосвалдар және бригадалар жолдардағы қарды бір жерге үйеді. Тиісті жұмыстарға екі ауысыммен 1800 астам адам тартылады. Механизациялық жолмен және қолмен жиналған қар камаздарға тиеліп, арнайы полигондарға шығарылады. Полигондар ескі МАИ бекетінің ар жағында Көктал кентінде; Рождественка кентінің жанында және Железнодорожный кентінің аумағында орналасқан. Айта кетейік, 2014 жылдың сәйкес кезеңінде 94 мыңға жуық қар шығарылды.