Өткен айда Қазақстанда бір бөлмелі пәтерлер көп сатылған
АСТАНА. ҚазАқпарат – Қазақстанда желтоқсан айында бір бөлмелі пәтерлер ең көп сатылған. Бұл туралы Ұлттық статистика бюросынан мәлім етті, деп хабарлайды ҚазАқпарат.
2022 жылғы желтоқсанда баспананы сатып алу-сату бойынша 33 587 мәміле жасалды, оның 7 554-і – жеке үйлер, 26 033-і көпқабатты үйдегі пәтерлер бойынша. 2022 жылдың қарашасымен салыстырғанда (33 797) тұрғын үй мәмілелерінің саны 0,6% азайған. Ең көп келісім Алматы (8 063 – 24,0%) және Астана (5 004 – 14,9%) қалаларында жасалған, ең азы – Ұлытау облысында (343 – 1%).
Қараша айымен салыстырғанда желтоқсан айында ең көп өсім Ақтөбе (20,8%) облысында және Алматы (14,0%), Шымкент (9,8%) қалаларында тіркелді. Бір айдағы ең үлкен төмендеу Солтүстік Қазақстан (-25,3%), Шығыс Қазақстан (-19,4%) облыстарында және Астана(-15,0%) қаласында болды.
Өткен жылдың желтоқсан айында қарашамен салыстырғанда көпқабатты үйдегі баспананы сату-сатып алу 236-ға артып, барлығы 26 033 мәмілені құрады. Бұл мәмілелердің жалпы санының – 77,5%. Бөлмелер саны бойынша – 1 бөлмелі пәтерлер ең көп сатылған, желтоқсан айында 10 384 келісім жасалды. Сауданың негізгі үлесі Алматы және Астана қалаларына тиесілі (61%). Екі бөлмелі пәтер бойынша 9 062 мәміле жасалды.
Өткен жылдың желтоқсан айында қарашамен салыстырғанда жеке тұрғын үйлерді сату-сатып алу келісімдерініңсаны 446-ға азайып, 7 554-ті құрады. Жер үйлер ең көп Маңғыстау облысында (+49 мәміле) сатылған. Қарағанды облысында (-110 мәміле) сатылып төмен болған.
2022 жылғы желтоқсанда 2021 жылғы желтоқсанмен салыстырғанда баспананы сату-сатып алу шарттары 64,6% азайды.
