Өткен айда күнкөрістің ең төменгі деңгейі 17 мың 188 теңгені құрады

Бұл туралы Статистика агенттігінен хабарланды.

Агенттік мәліметіне қарағанда, негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы күнкөрістің ең төменгі деңгейінің шамасы 2012 жылғы маусымда өткен аймен салыстырғанда 6,6 пайызға өсті. Ал осы көрсеткіш 2011 жылғы маусыммен салыстырғанда 2 пайызға артық. «Оның құрылымында ет пен балықты сатып алуға жұмсалған шығыстардың үлесі 22,7 пайыз, сүт, май және тоң май өнімдері мен жұмыртқаны - 15,2 пайыз, жемістер мен көкөністерді - 12,6 пайыз, нан және жарма өнімдерін - 7,3 пайыз, қант, шай және дәмдеуіштерді - 2,2 пайызды құрады», - делінген баспасөз айғағында.