Өткен айда өнеркәсіп өнімдерін өндіруші кәсіпорындар бағасы 0,5 пайызға төмендеді- Статистика агенттігі
Статистика агенттігінің мәліметтеріне қарағанда, ағымдағы жылғы қыркүйекте тамызбен салыстырғанда баға кен өндіру өнеркәсібінде 1,6 пайызға, электр энергиясын, газ бен су өндіру - 0,1 пайызға төмендеген, керісінше өңдеу өнеркәсібіндегі баға 1,6 пайызға артқан.Бұдан бөлек, өткен айда бағаның төмендеуі отындық мазутқа - 2,9 пайыз, мұнайға - 1,7 пайыз, көмірге - 1,1, электр энергиясына - 0,3 пайыз, табиғи газға - 0,2 пайызға, олардың жоғарылауы - бензинге - 1,3 пайыз, керосинге - 1,1 пайыз, дизель отынына - 0,9 пайыз, жылу энергиясына - 0,6 пайызға белгіленді.Сонымен қатар, бір айда баға қара металдар илегіне - 0,7 пайыз, ферроқорытпаларға - 0,6 пайызға төмендеп, мысқа - 8,7 пайыз, өңделмеген алюминийге - 4 пайыз, қымбат металдарға - 1,7 пайызға жоғарылаған. Бұдан бөлек, бидай ұны - 10,5 пайыз, жармалар - 6,8 пайыз, макарон өнімдері - 4,9 пайыз, өсімдік майы - 4 пайыз, сүт өнімдері - 2,2 пайыз, қант - 1,9 пайыз, балық - 1,5 пайыз, нан - 1,3 пайыз, кондитер өнімдері - 0,7 пайыздан қымбаттап, құс еті - 1,4 пайызға, мал еті - 0,7 пайызға арзандаған.