Өткен айда республикада инфляция деңгейі 0,4 пайыз көлемінде болды
АСТАНА. Қарашаның 2-сі. ҚазАқпарат - 2009 жылғы қазанда Қазақстан Республикасындағы инфляция 0,4 пайызды құрады,
деп хабарлайды ҚазАқпарат ҚР Статистика агенттігіне сілтеме жасап.
Агенттіктің таратқан мәліметтері бойынша, өткен айда республикада ақылы қызметтерге баға - 0,9 пайызға, азық-түлік емес тауарларға - 0,4 пайызға өсті. Баға индексі азық-түлік тауарларына 100 пайызды құрады.
Сондай-ақ, қатты отын - 1,7, медициналық дәрі-дәрмектер - 0,8, киім, аяқ киім және ыдыс - 0,6, кітаптар мен газеттер - 0,4 пайызға қымбаттады. Бағаның өсуі сонымен қатар, бензинге - 0,7 және дизель отынына - 0,3 пайызға тіркелді. Ал құрылыс материалдары, керісінше, 1,5 пайызға арзандады.
Білім беру, денсаулық сақтау қызметтері - 0,9, мейрамханалар мен қонақ үйлердің қызметтері - 0,7, мәдениет және жеке қызметтер - 0,5 пайызға жоғарылады, ал жолаушыларды тасымалдау қызметтері - 0,8 пайызға төмендеді.
Сонымен қатар, тұрғын үй-коммуналдық қызметтер саласында тарифтің өсуі кәрізге - 3,1 пайызға, орталықтан жылытуға - 3, суық суға - 2,3, ыстық суға - 1,7 және электр энергиясына - 0,3 пайызға байқалды.
