Өткен жылы 195570 ұл, 185435 қыз бала дүниеге келді - Статистика
«2012 жылы Қазақстан Республикасында АХАТ органдарымен 381 005 босанған әйел тіркелді. Оның ішінде қалалық мекендерде - 206 198 адам, ауылдық жерлерде - 174 807 адам. Дүниеге келген ер балалардың саны 195 570 адамды (51,3%) қыз балалар - 185 435 адамды (48,7%), туған кездегі жыныстардың арақатынасы 100 қыз балаға шаққанда 105,5 ер баланы құрады»,- делінген хабарламада.
Ведомствоның атап өтуінше, 2002 жылмен салыстырғанда дүниеге келгендер саны 67,7 пайызға (ер балалар - 68,5%-ға, қыз балалар - 66,9%-ға), қалалық мекендерде - 68,5, ауылдық жерлерде - 66,8 пайызға артты.
Қазақстан өңірлері бойынша 1 000 тұрғынға шаққандағы туудың ең жоғары деңгейі Манғыстау - 30,49, Оңтүстік Қазақстан - 30,23, Атырау - 28,37 және Қызылорда - 28,10 облыстарында белгіленді. Ең төменгі көрсеткіш Қостанай - 14,93, Шығыс Қазақстан - 16,67 және Павлодар - 17,19 облыстарында байқалды.
Репродуктивті кезеңінде (15-49 жас) бір әйелдің орта есеппен алғандағы дүниеге әкелетін балалар санын көрсететін туудың жиынтық коэффициенті (ТЖК) 2012ж. 2,62 құрады және 10 жыл ішінде 0,74-ке өсті (2002ж. - 1,88). Қалалық мекендерде ТЖК 2,39 (2002ж. - 1,68), ауылдық мекендерде 2,97 (2002ж. - 2,19) болды.