Өткен жылы шикі мұнай, табиғи газ және түсті металл кендерін өндіру артты
АСТАНА. 13 қаңтар. ҚазАқпарат - 2013 жылғы қаңтар-желтоқсанда 2012 жылғы ұқсас кезеңмен салыстырғанда шикі мұнай, табиғи газ және түсті металл кендерін өндіру артты. Бұл туралы ҚР Статистика агенттігі хабарлады.
Тамақ өнімдерінің, сусындардың, химия өнеркәсібінің және машина жасау өнімдерінің өндірісі жоғарылады. Өндірістің өсуі республиканың 14 өңірінде байқалған. Керісінше Батыс Қазақстан және Павлодар облыстарында оның көлемі төмендеген.
