Өткір ішек инфекциясын жұқтырды деген күдікпен жолаушылар пойызынан 39 бала түсірілді - ДСМ
АСТАНА. 28 шілде. ҚазАқпарат - Бүгін Қызылорда стансасында өткір ішек инфекциясын жұқтырды деген күдікпен Алматы - Атырау бағыты бойынша қатынайтын жолаушылар пойызынан Алматы облысындағы «Әлтаир» сауықтыру лагерінен қайтып келе жатқан 12-15 жас шамасындағы 39 бала түсірілді,
деп хабарлайды Қазақстан Республикасы Денсаулық сақтау министрлігінің баспасөз қызметі.
Балалар Қызылорда қаласындағы облыстық жұқпалы аурулар ауруханасына жатқызылды, олардың жағдайы орташа ауыр, сонда қажетті ем қабылдайды.
Індет ошағында Қызылорда облысы бойынша ҚР Денсаулық сақтау министрлігі Мемлекеттік санитарлық-эпидемиологиялық қадағалау комитеті аймақтық департаменті мен «Санитарлық-эпидемиологиялық сараптамалар және бақылау жүргізу ғылыми-тәжірибелік орталығы» РМҚК мамандары жұмыс істеп жатыр.
