Өзбек-қырғыз шекарасында 120 метрлік жерасты жолы табылды
АСТАНА. ҚазАқпарат - Өзбек-қырғыз шекарасында 120 метрлік жерасты жолы табылды. Бұл жол арқылы содырларды және қаруды тасымалдау жүзеге асырылуы мүмкін, деп хабарлады Өзбекстанның ҰҚК мемлекеттік шекараны күзету бойынша комитетінің баспасөз қызметінен.
Баспасөз қызметінің ақпаратынша, анықталған тоннель туралы ақпарат «Өзбекстан» (Өзбекстан) және «Қызыл-қия» (Қырғызстан) өткізу бекетінде шекара ведомстволары басшыларының кездесуінде айтылды, деп жазды interfax.ru.
"Өзбекстан азаматының үйі мен Қырғызстан Республикасы азаматшасының үйін байланыстыратын тоннель тереңдігі 6 метрді, ені 60-70 см, биіктігі 1-1,2 метрді, ал ұзындығы 120 метрді құрайды", - деп хабарлады баспасөз қызметі.
Шекарашылардың ақпаратынша, контрабандашылар өзбек-қырғыз шекарасындағы тоннельді бағалы заттар мен адамдарды тасымалдау үшін пайдаланды. "өзбек-қырғыз шекарасындағы контрабандалық шаралардың осындай әдісі алғаш рет тіркеліп отыр", - деп атап өтті баспасөз қызметінде.
