Өзбекстан әуе кеңістігін пилотсыз ұшақ кесіп өтті
ТАШКЕНТ. ҚазАқпарат - Өзбекстанның Ферғана облысы Сох ауданында шекарашылар республиканың әуе кеңістігін ешқандай таным белгісі жоқ пилотсыз ұшақ кесіп өткенін хабарлады, деп жазады АН Podrobno.uz. сайты Өзбекстан Республикасы Қауіпсіздік қызметінің Мемлекеттік шекара күзеті комитетіне сілтеме жасай отырып.
«16 желтоқсан күні сағат 11-15-те ақ түсті пилотсыз ұшақ (ешқандай белгілері жоқ) 200-250 метр биктікте Өзбекстан аумағы Сох ауданы Лимбур елді мекені тұсынан ұшып өтті. Ол Қырғыз Республикасы Баткен облысы Айдаркен ауданы Апқан елді мекені тарапынан ұшып келген.
Аталған ұшқыш аппарат Өзбекстан аумағына 7,5 шақырымдай ендеп, сағат 12-15-те кері Қырғыз Республикасы тарапына ұшып кетті
ӨР Қауіпсіздік қызметі Мемкелкеттік шекара күзеті комитеті енді аталған жағдай қайталанатын болса, республиканың әуе кеңістігін қорғау үшін барлық шара қолданылатынын мәлімдеді», делінген хабарламада.
