Өзбекстан азаматшасы Алматыда жезөкшелер үйін ашып, оған басшылық еткен

Бұған дейін жезөкшелікпен айналысқан азаматша жеңгетайлық «қызметін» қолға алмақ болған, деп хабарлады қалалық ІІД-нің баспасөз қызметі.

«Жынойнақ» үйі Алматының Түріксіб ауданында орналасқан үйлердің бірінде болған. Әйел 3 жезөкшеге басшылық еткен. Оның қылмысы өткен демалыс күндері әшкере болды. Жеңгетайдың жеке тұлғасын тексеру кезінде елімізде заңсыз жүргені анықталды», - деді Алматы қаласының ІІД Ұйымдасқан қылмысқа қарсы күрес басқармасы Адам саудасымен күрес бөлімінің бастығы Қуат Науатов.

Бұл факті бойынша қылмыстық іс қозғалды.