Өзбекстан гимнасшысы Гиннестің рекордтар кітабына енді

АСТАНА. ҚазАқпарат - 41 жастағы Өзбекстан гимнасшысы Олимпиада ойындарына қатарынан 7 рет қатысқаны үшін Гиннестің рекордтар кітабына енді, деп хабарлайды УзТАГ.

41 жастағы Чусовитина Олимпиада ойындарына қатысу саны бойынша әйел-гимнасшылар арасында әлемдік рекорд жасады. Ол 7 рет Олимпиадаға қатысқан әлемдегі жалғыз гимнасшы. Ардагер-гимнасшыға Гиннестің рекордтар кітабының сертификаты табысталды.

Айта кетейік, ол Бразилиядағы Олимпиада ойындарында қолды тіреп секіру турнирінің финалында 7-ші орынды иеленді.