Өзбекстан халқы 34 миллионнан асты
ТАШКЕНТ. ҚазАқпарат –Өзбекстанның статистика комитеті 1989 жылдан бері алғаш рет елдегі этникалық ұлттар құрамы туралы ақпаратты жариялады, деп хабарлайды ҚазАқпарат тілшісі.
2021 жылғы 1 қаңтардағы мәлімет бойынша, Өзбекстанда тұрақты тұратын адамдар саны 34,6 миллионды құрайды.
Елдегі негізгі этикалық топты өзбектер, тәжіктер, қазақтар қарақалпақ пен орыстар құрайды:
өзбектер - 29,2 миллион адам;
тәжіктер - 1,7 миллиона адам;
қазақтар - 821,2 мың адам;
қарақалпақтар - 752,7 мың адам;
орыстар - 720,3 мың адам;
қырғыздар - 291,6 мың адам;
түрікмендер - 206,2 мың адам;
татарлар - 187,3 мың адам;
корейлер - 174,2 мың адам;
украиндар - 67,9 мың адам;
әзербайжандар - 41,2 мың адам;
беларустар - 18,5 мың адам;
басқа ұлттар - 426,4 мың адам.
1989 жылы өткен халық санағының мәліметі бойынша, Өзбекстан тұрғындарының саны 19,81 миллион болған.
Еске салсақ, бұған дейін Өзбекстанда 800 мыңнан астам қазақ тұрып жатқаны туралы хабарлаған болатынбыз.
Авторы: Мәдібек Жәнібеков