Өзбекстан мен Черногория Астана хабына қатысушылар қатарына енді
АСТАНА. ҚазАқпарат - Өзбекстан Республикасы мен Черногория мемлекеттік қызмет саласындағы Астана хабының қатысушы-мемлекеттері қатарына енді. Осылайша Астана хабына қатысушылар саны 40 мемлекетке жетіп отыр, деп хабарлайды ҚазАқпарат.
«Хаб аясындағы ынтымақтастық бойынша ең үздік өңірлік және халықаралық тәжірибелермен алмасуды, әріптестік арқылы қатысушы-мемлекеттер арасындағы мемлекеттік қызмет әрекеттестігін жетілдіруді қарастырады. Бұдан бөлек, «теңдей дәрежедегілермен тең дәрежеде» қағидаты бойынша оқыту, зерттеу жобалары, қатысушы-мемлекеттер сұраныстарына бағдарланған жобалар бағытында ынтымақтастықтар жүзеге асады», - делінген мемлекеттік қызмет бойынша Астана хабының таратқан баспасөз баянында.
