Өзбекстан мен Қырғызстан шекараны делимитациялау мәселесін талқылады
АСТАНА. ҚазАқпарат - Қырғызстанның Ош қаласында Өзбекстан Республикасы мен Қырғыз Республикасы үкімет делегацияларының өзбек-қырғыз шекарасын делимитациялау және демаркациялау мәселелері жөніндегі жұмысшы топтарының 10 күндік келіссөздері сәтті аяқталды, деп хабарлайды uzreport.uz .
Келіссөздер барысында екі елдің шекарасындағы барынша күрделі бөліктеріндегі далалық зерттеу және геодезиялық өлшеу жұмыстары жүргізілді. Бұл аумақтарға Өзбекстанда Әндіжан, Наманған және Фергана облыстарымен Қырғыз Республикасындағы Баткен, Жалал-Абад пен Ош облыстарының шекараласатын тұстары жатады.
Келіссөздер соңында тиісті хаттама толтырылды.
