Өзбекстан Президенті мемлекеттік сапармен Қытайға аттанды

ТАШКЕНТ. 19 сәуір. ҚазАқпарат /Құрмат Самархан/ - Өзбекстан Президенті Ислам Кәрімов Қытай Халық Республикасының Төрағағасы Ху Цзиньтаоның шақыруымен бүгін, 19 сәуірде Бейжіңге ресми сапармен аттанды. Бұл туралы «ӨзА» мемлекеттік ақпараттық агенттігі хабарлады.

Сапар барысында өзбек-қытай ынтымақтастығын әрі қарай кеңейту және дамыту мәселелері, өзара мүдделі аймақтық және халықаралық мазмұндағы өзекті проблемалар талқыланбақ.

Келіссөз қорытындысы бойынша екі мемлекеттің түрлі саладағы өзара іс-қимылдарын әрі қарай нығайтуға бағытталған бірқатар екіжақты құжаттарға қол қою жоспарлануда.