Өзбекстан Тәжікстан жағын өңірді ластап отыр деп айыптауда
АСТАНА. 7 маусым. ҚазАқпарат - Өзбекстанның Сурхандария облысының Тәжікстанмен шекаралас орналасқан солтүстік аудандарында экологиялық ахуалдың нашарлауын негізге ала отырып, Ташкент БҰҰ Бас хатшысы Пан Ги Мунның атына хат жіберді. Бұл туралы ВВС хабарлады.
Атап айтқанда, Ташкен тарапының пайымынша, тәжікстандық ТАЛКО алюминий компаниясының шығарындылары Өзбекстанның экологиялық қауіпсіздігі үшін қатер тудыруда.
Ал Тәжікстан жағы бұл шағым негізсіз екенін алға тартуда. ТАЛКО басшылығы компания экологиялық тексерулерді тұрақты түрде жүргізетінін және тәуелсіз сарапшылардың мәліметтері Өзбекстанның ақпаратымен сәйкес келмейтіндігін айтуда.
