Өзбекстанда лицензиясы бар алғашқы криптодүкендер пайда болды

ТАШКЕНТ. ҚазАқпарат – Өзбекстанда криптодүкен қызметін жүргізу үшін алғашқы лицензиялар берілді, деп хабарлайды ҚазАқпарат меншікті тілшісі.

Ұлттық перспективалық жобалар агенттігінің (ҰПЖБ) деректері бойынша, Өзбекстан крипто-активтер айналымын реттеу бойынша қалыптасқан нормативтік-құқықтық базасы бар әлемнің санаулы елдерінің бірі.

«Жоғарыда аталған нормативтік-құқықтық актілердің негізінде Агенттік «Crypto Trade NET» ЖШҚ және «Crypto Market» ЖШҚ криптодүкенінің қызметін жүзеге асыруға алғашқы лицензиялар берді. Криптодүкендер азаматтарға криптоактивтерін сатып алуға немесе сатуға көмектеседі», - деп хабарлайды ҰПЖБ.

Тіркелген криптодүкендер тек Өзбекстанда ғана емес, сонымен қатар Орталық Азия мен ТМД-да бірінші болды. Агенттік сонымен қатар азаматтарды абай болуға және лицензиясы жоқ криптоделдалдардың қызметтерін пайдаланбауға шақырды.

Фото: coinsnetwork.com