Өзбекстанда парламенттік сайлау бойынша қайта дауыс беру өтті

АСТАНА. ҚазАқпарат - Өзбекстанның 22 сайлау округінде Олий Мәжілістің Заңнамалық палатасына (Өзбекстан парламентінің төменгі палатасы) депутаттарды сайлау бойынша қайта дауыс беру өтті.

Сайлау жөніндегі Республикалық баспасөз орталығынан хабарланғандай, әр округте сайлау 2014 жылдың 21 желтоқсанында өткен негізгі сайлау кезінде ең көп дауысқа ие болған екі үміткер бойынша өтті.

Қайта дауыс беру кезінде дауыс беруге қатысқан сайлаушылардың ең көп дауысына ие болған үміткер жеңеді.