Өзбекстандық зейнеткер Қырғызстанда ең қарт студент атанды
АСТАНА. ҚазАқпарат - Қырғызстанның Ош қаласындағы жоғары оқу орындарының бірінде өзбекстандық 66 жастағы Адалат Мусаев білім алып шықты, деп хабарлайды Turmush .
Өзбекстанның Әндіжан облысының тұрғыны биыл Ош мемлекеттік медицина университетінің медицина факультетін бітірді. А.Мусаев 30 жылға жуық Әндіжандағы аурухананың онкология бөлімінде фельдшер болып істеген. Ол зейнетке шыққан соң арманын орындап - дәрігер дипломын алу үшін жоғары оқу орнына түскен.
Қазір қарт түлек ординатурада оқуын жалғастырмақ ниеті бар. Ол жұмыс істеу үшін Әндіжандағы ауруханаға қайтып келеді.
Қарт студент оқу кезінде ОшМУ-дың жатақанасында студенттермен тұрған.
