Өзбекстандықтар адам саудасымен күресті нығайту үшін халықаралық ынтымақтастықты арттыру қажет деп есептейді
АСТАНА. 27 қараша. ҚазАқпарат /Айдар Оспаналиев/ -Адам саудасымен күрестің тиімділігін арттыру үшін Еуропадағы қауіпсіздік және ынтымақтастық ұйымына мүше елдер мемлекеттік органдар арасында адам саудасына қарсы құқықтық көмек көрсету жұмыстарын жетілдіріп, құқық қорғау органдары арасында тәжірибе алмасуы қажет.
Бұны Астанда өтіп жатқан ЕҚЫҰ Саммитінің Шолу конференциясында өзбекстандық делегация өкілі адам саудасымен күрестің тиімділігін арттырудағы маңызды үш бағыттың бірі ретінде атап көрсетті.
Оның сөзіне қарағанда, адам саудасымен күрестегі ортақ міндеттердің талапқа сай жүзеге асуы үшін ЕҚЫҰ-ның аясында тренингтер ұйымдастыру арқылы құқықтық және сот әлеуетін арттыруға бағытталған бірлескен түрдегі аймақтық жобаларды дайындап, осы мәселе бойынша да халықаралық ынтымақтастықты нығайту қажет. «Үшіншіден баспасөз беттерінде адам саудасына қатысты мәліметтердің болмауына күш салған жөн», деді Өзбекстан өкілі.
