Өзбекстанға шетелден әкелінген электромобильдер саны өсуде
ТАШКЕНТ. ӨзА- ҚазАқпарат - Өзбекстанға шетелден әкелініп жатқан электромобильдер саны жыл өткен сайын артып келеді. Бұл туралы ҚазАқпарат ӨзА сілтеме жасап хабарлайды.
Мемлекеттік статистика комитетінің хабарлауынша, 2022 жылдың қаңтар-наурыз айларында Өзбекстан әлемнің 9 елінен құны 13,5 миллион доллар болатын 455 электромобиль импорттаған.
Бұл жағдай 2021 жылдың сәйкес кезеңімен салыстырғанда электромобильдер импорты 370-ке немесе 5,4 есеге өскен. Электромобильдердің көп бөлігі Қытайдан әкелінуде.
2022 жылдың алғашқы 3 айында Өзбекстан мына елдерден электромобиль импорттады:
· Қытай – 426;
· Германия – 13;
· Гонконг – 7;
· БАӘ - 3;
· Эстония – 2;
·АҚШ – 1;
·Канада – 1.
Айта кетсек, 2021 жыл 1 қазан айынан бастап Өзбекстанда электромобильдерге арнайы мемлекеттік нөмірлер беріле бастады. Электр қуатымен жүретін автокөліктерге берілетін нөмірдің басты айырмашылығы - аймақ коды жасыл фонда көрсетілген.
