Өзбекстанға үш метрлік жылан өткізбек болған ҚР азаматы ұсталды
АСТАНА. KAZINFORM – «Гишткуприк» шекаралық кеден бекетінде Қазақстан Республикасы азаматының сөмкесін рентген арқылы тексеру кезінде оның ішінен бауырымен жорғалаушы анықталды, деп хабарлайды ӨЗА ақпарат агенттігі.
Хабарланғандай, жолаушының ауызша жауабы және декларацияда питон туралы айтылмаған.
Алдын ала мәлімет бойынша, бұл үш метрлік альбинос жолбарыс питоны – негізінен Оңтүстік және Оңтүстік-Шығыс Азияда тіршілік ететін және Халықаралық Қызыл кітапқа енгізілген жылан.
Осы себепті оны Өзбекстан Республикасына әкелу кезінде халықаралық CITIES рұқсаты болуы қажет, бірақ Қазақстан азаматы кеденшілерге осындай құжат ұсына алмады.
Қазіргі уақытта тергеу амалдары жүргізілуде. Жылан Ташкент қаласының хайуанаттар бағына орналастырылды, оның жағдайын мамандар бағалауда.
Ақпаратты Kazinform үшін арнайы ӨзА серіктес агенттігі ұсынған.
