Пәкістанда 600 адам терроризмге қатысы бар деген күдікпен ұсталды

АСТАНА. ҚазАқпарат - Пәкістан полициясы екі күндік контртеррористік рейд барысында 604 адамды ұстады, деп хабарлады NDTV.

Тәртіп сақшылары Хайбер-Пахтунхва пәкістандық провинциясында көп көлемде қару тәркілегені хабарланды.

Ұсталғандардың 125-і Ауғаныстаннан заңсыз келген мигранттар. Сондай-ақ полиция қызметкерлері 1392 оқу орнын тексеріп, қауіпсіздік шараларын күшейтуге кеңес берген.

Елдің солтүстік-батысында шамамен 150 содыр жойылғаннан бір ай өткен соң шара бастамасы көтерілді.