Пәкістанда сел 15 адамның өмірін қиды
АСТАНА. ҚазАқпарат - Пәкістандық Карачи қаласында сел салдарынан 15 адам ажал құшты. Олардың 10-ының өліміне тоқ соғу себеп болды, деп жазады шетелдік БАҚ.
Қалғандары қабырғалар немесе ғимараттардың шатырларының құлауы салдарынан қаза тапты. Елдің ірі мегаполисінде жолдарды су басты, электр тарату желілері зақымдалды. Жүздеген жергілікті тұрғын эвакуацияланды.
Айта кетейік, шілде айының басынан бері қатты сел салдарынан Үндістан да зардап шегуде. Көптеген адамдар із-түзсіз жоғалды. Жаңбырдың үздіксіз жаууы іздеу-құтқару жұмыстарын қиындатты.
