Пәкістанда су тасқынынан қаза тапқандар саны 69-ға жетті
АСТАНА. ҚазАқпарат - Пәкістанда 15 шілдеде басталған су тасқыны толастамай тұр. Соңғы мәліметтер бойынша, табиғат апатынан қаза тапқандар саны 69-ға жетті. Бұған дейін 51 адам ажал құшқаны хабарланған болатын, деп жазады шетелдік БАҚ.
Бүкіл ел бойынша 635 елді мекен су астында қалған, 1800 үй қираған. 294 мың адам апатты аймақта қалған. Су тасқынынан елдің солтүстік-батысындағы провинциялар қатты зардап шекті. Өңірде құтқару операциясы жалғасып жатыр.
Айта кетейік, мұндай алапат су тасқынына муссонды жауындар маусымы себеп болып отыр.
