Пәкістанда жол-көлік апатынан қаза тапқандар саны 57 адамға жетті

АСТАНА. ҚазАқпарат - Пәкістанның Карачи қаласы маңында автобус пен жанармай таситын көлік соқтығысып, 30 адам мерт болғаны туралы бұдан бұрын хабарланған болатын. Соңғы ақпарат бойынша, жол-көлік апатынан қаза тапқандар саны 57 адамға жетті, деп хабарлады ВВС.

Олардың ішінде 9 адам бір отбасы мүшесі екен. Оқиға жанармай тасығыш көліктің жолдың қарсы бағытына шығып, жылдамдықты асырғаны кесірінен болған.