Пәкістандағы жарылыстан үш адам жарақаттанды

АСТАНА. Қарашаның 26-сы. ҚазАқпарат - Пәкістанның солтүстік-батысындағы Пешавар қаласында болған жарылыс кезінде үш адам жарақаттанды,

деп хабарлайды ҚазАқпарат Утро.Ру сайтына сілтеме жасап.

Жарылғыш құрылғы полиция мәшинесінің маңында іске қосылған. Автомобильдің жанында болған екі полицей және бір сәби жарақат алды.

Пешавардағы шабуылдар Ауғанстан шекарасында таулы аймақта әрекет ететін содырларға қарсы кең көлемді әскери операция қазанның ортасынан басталғаннан жиілеп кетті.