Палестиналықтар әлемдегі ең үлкен көйлекті тікті
АСТАНА. Қазанның 26-сы. ҚазАқпарат - Иорданның Батыс жағалауындағы Хевон қаласының палестиналық тұрғындары кестемен өрнектелген әлемдегі ең үлкен көйлекті тігіп отыр.
Олардың айтуынша, көйлекті тігуге 150-ге жуық шебер атсалысқан. Көйлектің ұзындығы 32,6 метрді, ені - 18,1 метрді құрайды, деп хабарлайды шараны ұйымдастырушылар. Бұл көйлекті тігудегі мақсат - Гиннестің Рекордтар кітабына ену және жергілікті шебелердің жұмыстарына жұртшылықтың назарын аудару болып отыр, деп хабарлайды ВВС-дің Орыс қызметі.
