Палестинаның әр төртінші тұрғыны - жұмыссыз
АСТАНА. 9 маусым. ҚазАқпарат - 2011-2012 жылдар аралығында Палестинадағы жұмыссыздардың саны 15,3 пайызға артып, 23 пайызға жеткен.
Әсіресе, Газа секторындағы жағдай күрделі күйінде қалып отыр: екі қолға бір күрек таба алмай отырған адамдардың қарасы 31 пайызды құрайды. Бұл мәлімет Халықаралық еңбек ұйымының жыл сайынғы есебінде жарияланды. Бұл жайында al-Hayat басылымына сілтеме жасап muslim.kz хабар таратты.
Аталмыш ұйым мұның себебін Израиль тарапынан салынған экономикалық санкциядан көріп отыр.
2012 жылы осы елдің жалпы ішкі өнімі жан басына шаққанда бар-жоғы 2,7 пайызға ғана артқан.
