Палуандарымыз Ташкентте өткен Азия чемпионатында екі алтын мен бір қола медаль алды
ТАШКЕНТ. 23 мамыр. ҚазАқпарат /Құрмат Самархан/ - Күрестен Қазақстан құрама командасы ересектер арасындағы грек-рим, еркін және әйелдер күресінен Ташкентте өткізілген Азия чемпионатында екі алтын мен бір қола медаль алды.
Ташкенттің «Өзбекистон» спорт кешенінде грек-рим, еркін және әйелдер күресінен Азия чемпионаты жалғасып жатыр.
Жарыстардың үшінші күнінде кілемге әйелдер арасында 59, 63, 67, 72 келі салмақта, сонымен қатар грек-рим күресі өкілдері арасында 55, 60 келі салмақ дәрежесіндегі спортшылар шықты.
72 келі салмақ дәрежесіндегі қазақстандық палуан Гюзель Манурова мен грек-рим стилінің өкілі Алмас Кебесбаев (60 келі) алтын жүлдені жеңіп алды. ҚР әйелдер күресінің тағы бір өкілі Татьяна Захарова (67 келі) қол медальды місе тұтты.
