Париж вокзалында пышақ ұстаған қылмыскер үш адамды жарақаттады

АСТАНА. KAZINFORM — Париждің орталығындағы Лион вокзалында (Gare de Lyon) пышақпен шабуыл жасалып, үш адам зардап шекті, деп хабарлайды Euronews.

Бір жәбірленуші ауыр, екеуі жеңіл жарақатпен жедел медициналық жәрдем бөліміне жеткізілді. 

Елдің ішкі істер министрлігінің мәліметінше, қылмыскер ұсталды. Шабуыл себептері әзірге белгісіз.