Парижде анестезиолог-дәрігерлердің ереуілі болып жатыр
АСТАНА. Қазанның 1-і. ҚазАқпарат - Бүгін екі мыңға жуық анестезиолог-дәрігерлер Париждің орталығындағы негізгі көлік желісінің бірі - Елисей алқабындағы қозғалысты жауып тастады, деп хабарлады «Маяк» радиосы.
Елисей алқабындағы митингтен кейін манифестанттар колоннасы Францияның Денсаулық сақтау министрлігінің ғимаратына бет алды. Ереуілшілер анестезиологтардың мәртебесі туралы келіссөз жүргізу үшін министрмен кездесуді талап етуде.
