Парижде Қазақстан-Франция дөңгелек үстелі өтті

ПАРИЖ. Наурыздың 4-і. ҚазАқпарат /Ержан Оспанов/ – Сейсенбі күні Парижде «MEDEF International» қауымдастығының штаб-пәтерінде ҚР Экономика және бюджеттік жоспарлау министрі Бақыт Сұлтановтың қатысуымен дөңгелек үстел өтті,

деп хабарлайды ҚазАқпарат тілшісі.Аталмыш шарада «MEDEF International» қауымдастығының «Франция-Қазақстан» кәсіпорындары басшыларының төрағасы, «Панар» компаниясының бас директоры Кристиан Монс пен Б.Сұлтанов сөз сөйледі.Дөңгелек үстел басына Франциядағы іскер топтардың өкілдері шақырылып, басқосуда тараптар экономикалық ынтымақтастықтың ағымдағы мәселелерін талқылады.