Париждегі лаңкестік әрекет салдарынан қаза тапқандар саны 153 адамға жетті
АСТАНА. ҚазАқпарат - Париждегі лаңкестік әрекет салдарынан қаза тапқандар саны бейресми деректер бойынша153 адамға жетті. Бұған дейін 140 адамның қаза тапқаны туралы мәлімет таратылған болатын.
ҚР СІМ хабарлауынша, алдын ала мәліметтер бойынша қаза тапқандар мен зардап шеккендер арасында Қазақстан азаматтары жоқ.
Еске сала кетейік, жұма күні кешке Францияның астанасы Парижде лаңкестік әрекеттер орын алды. Жергілікті прокуратураның хабарлауынша, террорлық акт бір уақытта алты жерде орын алған. Оқиға салдарынан 153 адам қаза тауып, 200-ден аса адам жарақаттанған.
