Париждегі шабуылға қатысты 12 күдікті тұтқындалды

АСТАНА. ҚазАқпарат - Парижде өткен аптада 17 адам құрбан болған шабуылға қатысты 12 күдікті тұтқындалды, деп жазады Би-би-си.

Бұған дейін күдіктілерден шабуылды ұйымдастырушыға ықтимал «логистикалық қолдау» көрсетуі тұрғысынан жауап алынған.

«Франс пресс» деректеріне сүйенсек, кейбір тұтқындалған азаматтар шабуыл ұйымдастырушыларға қару жеткізгені үшін айыпталуда.

Бұдан бұрын полиция Парижде және өзге де қалаларда рейд жүргізді.

Өткен аптада Charlie Hebdo сатиралық журналына және Париждегі супермаркетке экстремистердің шбуыл жасауынан Францияда 17 адам қаза тапқан болатын.