Парламент Мәжілісінің және мәслиxат депутаттарын сайлау науқанына 8 млрд теңге бөлінеді
АСТАНА. ҚазАқпарат - ҚР Парламент Мәжілісінің және мәслиxат депутаттарын сайлау науқанына шамамен 8 млрд теңге бөлінеді. Бұл туралы бүгін Орталық сайлау комиссиясының төрағасы Қуандық Тұрғанқұлов мәлім етті.
«Мәслиxат және мәжіліс депутаттарын сайлауды бірлесіп өткізу арқылы біз бюджеттік қаражатты едәуір үнемдейтін боламыз. Үнем көлемі шамамен 4,8 млрд теңгені құрап отыр. Жалпы сайлау науқанына біз шамамен 8 млрд теңге бөлінеді деп қарастырып отырмыз», - деді ол.
Оның айтуынша, жалпы Парламент Мәжілісіне 107 депутат, жергілікті мәслиxатқа 3 335 депутат сайланады.
Айта кетейік, ҚР Парламент Мәжілісінің және мәслиxат депутаттарын сайлау 20 наурызға, ҚХА атынан ұсынылатын депутаттардың сайлауы 21 наурызға белгіленді.
