Парламенттің кезектен тыс сайлауын неғұрлым қысқа мерзімде өткізу керек - Перуашев
АСТАНА. ҚазАқпарат - Ұлттық кәсіпкерлер партиясы ретінде біз Парламенттің кезектен тыс сайлауын неғұрлым қысқа мерзімде өткізу керек деп санаймыз. Бүгін Мәжілісте өткен брифингте Парламенттегі «Ақ жол» партиясы фракциясының төрағасы, депутат Азат Перуашев осылай мәлімдеді.
«Бүгінгідей еліміз үшін аса маңызды әрі жауапты кезеңде жыл бойы сайлауға алаңдамай Парламенттің кезектен тыс сайлауын неғұрлым қысқа мерзімде өткізу керек деп санаймыз. Сосын, Қазақстанда келелі жаңартатын тың іске кезек күттірмей кіріскен абзал», деді брифингте Азат Перуашев. Бұл ретте депутат «Ақ жол» партиясының фракциясы бесінші шақырылған Мәжілістің өзін өзі таратуын толығымен қолдайтынын мәлімдеді.
