Павлодар МӨЗ бензин шығара бастайды - Бозымбаев
АСТАНА. ҚазАқпарат - ҚР Энергетика министрі Қанат Бозымбаев Павлодар мұнай өңдеу зауытының іске қосылғанын мәлімдеді, деп хабарлайды ҚазАқпарат тілшісі.
«Павлодар МӨЗ бүгін іске қосылды. Таңертең бас директорымен сөйлестім, мұнайды бастапқы өңдеу қондырғысы өз жұмысын бастады. Шамамен үш күнде жоғары октанды бензин дайын болуы тиіс», - деді ол Орталық коммуникациялар қызметінде өткен баспасөз мәслихатында.
АИ-92 маркалы бензиннің жетіспеушілігінен зауыттар АИ-95 шығарылымын азайтты. Қ.Бозымбаевтың айтуынша, бұл мәселе қараша айында реттеледі.
Министрдің айтуынша, кеше Қазақстанға 64 мың тонна жанармай импортталды. Қазан айының соңына дейін ел аумағына тағы 100 мың тонна бензин жеткізіледі.
