Павлодар облысында есірткі саудасымен айналысқан 24 азамат сотталды
ПАВЛОДАР. KAZINFORM – Сотталғандар интернет-дүкендер арқылы есірткі сатумен шұғылданған. Олардан жалпы салмағы 424 килограмнан астам есірткі түрлері тәркіленген.
Былтыр жергілікті соттар 24 азаматты есірткі бизнесімен айналысқаны үшін соттады.
Ұсталғандардың көбі есірткіні қала көшелерінде жасырып кетумен шұғылданған. Синтетикалық есірткінің ірі партияларын қабылдай отырып, заңсыз жолмен бөлшек саудаға шығарып отырған.
- Сот отырыстары барысында айыпталушыларға 78 эпизодты қылмыс жасады деген айып тағылды. Ұсталғандардан 424 килограмнан астам есірткі тәркіленді. Оларды полиция ведомствосының есірткі қылмысына қарсы іс - қимыл жөніндегі қызметкерлері ұстаған. 24 азамат түрлі мерзімге бас бостандығынан айрылды- деді Павлодар облысы полиция департаменті бастығының орынбасары Болат Нұрсейітов.
