Павлодар облысында балық аулауға кеткен адамның денесі табылды

ПАВЛОДАР. KAZINFORM - 19 ақпан күні Павлодар облысы Ақтоғай ауданы Ақтоғай ауылының маңында 1981 жылы туған азамат жоғалып кетті. Ол қарда жүретін көлікпен балық аулауға шығып, қайтып оралмаған.

Бұл туралы ҚР Төтенше жағдайлар министрлігінің баспасөз қызметінен хабарланды.

Баспасөз қызметінің мәліметтеріне қарағанда, облыстық Төтенше жағдайлар департаментінің күштері әуеден барлау кезінде Ақтоғай ауылынан 10-15 км жерден жоғалған адамның денесін көрді.

Іздеу жұмыстарына құтқарушылар, кинологиялық қызмет, Төтенше жағдайлар министрлігінің әуе кемесі, полиция және жергілікті тұрғындар жұмылдырды.